Kanë festuar shumë në momentin e shënimit të golit të barazimit por edhe në fundin e ndeshjes futbollistët dhe stafi teknik i Besëlidhjes. Një gëzim i ligjshëm sepse bëhet skuadra e parë që i merr pikë shkodranëve në fushën e tyre.
Këtë gjë e pranon edhe trajneri Vladimir Gjonaj pas përfundimit të takimit kur për mediat është shprehur: “Për ne ishte si fitore ky barazim, po ta marrësh edhe nga logjika e ndeshjes.
Vllaznia është ekipi që po udhëheq kampionatin dhe një pikë është sukses për ne. ne gjatë gjithë kohës kemi punuar fort me skuadrën sidomos në aspektin psikologjik sepse aty elementët janë.
Skuadra ka shumë nevojë edhe për anë psikologjike. Skuadra po reagon shumë mirë dhe unë jam shumë kënaqur. E kisha përgatit ekipin për të ndërtuar një bllok siç luajti në këto 90 minuta dhe për të kërkuar siç edhe rezikuam përmes kundërsulmit.
Gjithsesi nuk e kisha menduar barazimin, por e kam shpresuar deri në fund dhe ia arritëm. Nuk mund të them se kemi objektiv kreun se unë këto tre ndeshje e kam marrë skuadrën, por shpresoj që të vazhdojmë kështu deri në fund dhe të jemi në ekipet pretendente”.
© shkodrasport.com
