Kampionati i kategorise se trete do te rikthehet javen e ardhshme me ndeshjet e javes se gjashte te tij. Ne kuadrin e kesaj jave, “Basania FC” do te udhetoje drejt Burrelit per t’u ndeshur me ekipin e Klosit ku padyshim qe objektivi do te jete fitorja.
Kjo sepse ky ekip eshte ndertuar per te qene pretendente dhe ka synim ngjitjen nje kategori me lart. Pas tre fitoreve ne tre javet e para, erdhen dy gabime te vogla qe i kushtuan jo pak kesaj skuadre, por gjithçka mund te rregullohet ne ndeshjet e mbetura.
Pas 5 javesh kampionat, grupi A kryesohet nga Prestige me 13 pike, nderkohe qe ne vend te dyte eshte KS Arnisa me 12 ndersa Basania ndodhet ne vendin e trete me 10 pike. Sigurisht qe diferenca me dy ekipet e kreut eshte shume e vogel dhe mjafton vetem nje ndeshje per t’i arritur, por per ta bere kete gje duhet shume pune.
Trajneri Fatjon Hasanaj e di mjaft mire kete gje dhe si rrjedhoje ne nje prononcim per gazeten “Shkodra Sport” do te shprehej: “Ne po pergatitemi mire per pjesen e dyte te sezonit. Kemi bere disa levizje ne skuader sepse nuk duam qe t’i ikim pretendime tona.
Shpresoj te kemi bere nje pune te mire ne kete periudhen e nderprerjes se kampionatit dhe kampionati te na gjeje ne formen e duhur, per te vijuar pastaj ne rrugen tone drejt suksesit”./SHKODRA-SPORT.COM/
