Kukësi është ndër skuadrat e pakta që ende nuk ka bërë asnjë lëvizje në merkato. Verilindorët, që pas eksodit të madh të lojtarëve pas rënies nga kategoria, nuk kanë dhënë asnjë sinjal për rindërtimin e ekipit.
Mirëpo, duket se drejtuesit janë ‘zgjuar’ dhe kanë nisur nga puna për sezonin e ri. Pozita e trajnerit është çështja e parë në tryezë dhe po tentohet rikthimi i Stavri Nicës.
Ai ishte në krye të verilindorëve gjatë këtij sezoni, por dha dorëheqjen kur pa se e kishte të pamundur të siguronte mbijetesën.
Në rast se nuk arrihet te Nica, drejtuesit do t’i besojnë skuadrën Oltijon Kërnajës i cili ka mbajtur pozitën e zëvëndës-trajnerit sezonin e fundit./newsport/
