Trajneri i ri i Vllaznisë, Hasan Lika po punon shumë me skuadrën që ka në dispozicion për sezonin e ri. Tashmë nga kategoria e parë, Vllaznia do të kërkojë që të ngjitet sa më shpejt në Superiore.
Në një intervistë të tij para medieve, Hasan Lika tha: “Futbollistët që kam pasur në dispozicion janë stërvitur mirë, me dëshirë, jashtëzakonisht korrekt. Ka qenë një javë ku kemi punuar të gjithë së bashku.
Ndeshja miqësore – “Bëmë një ndeshje miqësore, më shumë si një test për të parë disa futbollistë të cilët kërkojnë të jenë pjesë e Vllaznisë. Kjo ndeshje na ka shërbyer shumë për të seleksionuar elementet pozitive.
Sigurisht, kjo periudhë do të shërbejë, këto dy javë janë shumë të nevojshme dhe është pozitive që i kemi në dispozicion. Plus dhe javën që do të fillojë kampionati. Duhet t’i shfrytëzojmë sa më mirë këto periudha.
Vllaznisë në këtë ndeshje iu bashkuan edhe disa futbollistë nga Vllaznia B dhe nga Vllaznia u-19.
“Është një gjë e mirë, pasi janë futbollistë që kanë të ardhme dhe unë dua t’i ndihmoj në rrugën që kanë nisur. Ndihem mirë për këtë gjë.
Por unë jam i mendimit se si në Superiore, ashtu dhe në kategorinë e parë, na duhen disa lojtarë me më me shumë eksperiencë dhe më kualitativ, prandaj shpresoj të përforcohemi në merkato”,- përfundoi Lika./vipsport/
