Lacio ka arritur të fitojë me rezultatin 2-1 në takimin e djeshem ndaj Marsejës, duke kaluar më tej në “Europa League” dhe duke u kualifikuar nga faza e grupeve, shumë përpara kohe.
Strakosha do të ishte heroi i minutave të fundit, teksa me instiktin e tij dhe me largimin e topit me këmbë, do të shpëtonte lacialët nga barazimi dhe do t’i dërgonte menjëherë në turin tjetër të këtij kompeticioni.
Në konferencën për shtyp, trajneri i Marsejës, Garcia, ia ka veshur “fajin” Strakoshës, që nuk erdhi barazimi. “Ne e kemi provuar deri në minutën e fundit, për të rikthyer ekuilibrat, por Strakosha është treguar shumë i mirë në fund”.
Ndërkohë nga ana tjetër, gardiani shqiptar në një prononcim për “Sky Sport”, është shprehur se askush nuk e priste një kualifikim të tillë të Lacios, kaq të parakohshëm.
“Askush nuk priste kaq herët kualifikimin. Për fat të mirë, kualifikimi erdhi i pari. Ne patëm një ndeshje të madhe sonte. Kur mund të arrijmë atje(finale)?
Ne duhet të bëjmë më mirë se vitin e kaluar, kur kemi dalë keq në çerekfinale. Çdo gjë mund të ndodhë, por nuk ka përgjegjësi këtu për të thënë ‘le të arrijmë në finale”, u shpreh Strakosha. /Shqiperia.ch/
