Pas ndeshjes së djeshme, trajneri i Vllaznisë, Hasan Lika, u shpreh: “Mendoj se dhamë maksimumin duke zhvilluar një ndeshje të mirë, kemi rrezikuar disa herë kundërshtarin, por na ka munguar goli. Sidomos pas rezultatit 1-0, kemi pasur dy-tri raste.
Pra jemi munduar, por nuk kemi shënuar. Lidhur me golin e shënuar nga Kamza, mbase duhej parë, u duk një faull i dyshimtë e nga kjo rastisi që të shënohej edhe goli. “
“Ne vazhduam lojën. Sigurisht që këto janë të pranueshme, ngaqë edhe gjyqtari ishte i ri. Qëlloi fati ynë i keq dhe i atij që ky episod përfundoi me golin e shënuar nga Kamza që vendosi edhe ndeshjen.
Nuk mendoj se këto dy humbje, ndaj Erzenit dhe kjo me Kamzën, do të ndikojnë në ecurinë e skuadrës sonë. Ne në përbërje kemi një kolektiv që nuk ndikohen nga këto dy humbje”, deklaroi trajneri i Vllaznisë.
