Vllaznia ka fituar edhe miqesoren e sotme ndaj Laçit (me rezultatin 3-1) duke vijuar ne kete menyre serine e fitoreve te fundit te dhjetorit. Ndonese thjesht nje miqesore, kjo e sotmja ne fushen e Laçit ka vlejtur jo pak edhe ne aspektin psikologjik tek kuqeblute.
Trajneri Qatip Osmani nderkohe duke folur per gazeten “Shkodra Sport” pas ndeshjes eshte shprehur se kjo miqesore ia vlejti, ashtu si dhe fitorja e arritur sepse ndihmon per te krijuar nje mentalitet fituesi. Per me shume lexoni intervisten e tij dhene per gazeten tone”
– Profesot, sa ju vlejti kjo miqësorja me Laçin?
Vlejnë se janë miqësore para startit të kampionatit. Vlejnë për të krijuar një mentalitet fitues edhe për vazhdimsinë për të ardhmen.
– Megjithatë pamë një pjesë e parë jo siç duhet, por në të dyten një Vllazni ndryshe?
Në pjesën e parë nuk u shprehem siç duhet ndërsa në të dyten treguam se mund të shfaqim më të mirën. Shënuam dy gola krijuam dhe disa raste. Mendoj se jemi të gatshëm për kampionat.
– Është formatuar Vllaznia për kampionatin?
Them se është e formatuar Vllaznia për kampionatin. Ka sërish vend për përmirsim por them sesi ekipi është në formen e duhur por disa lojtarë janë që duhet të arrijë formën e duhur, por mendoj se ato do të vijnë aty ku duhet me kalimin e javëve.
