Pasditen e sotme jemi rikthyer serish ne stadiumin “Loro Boriçi” per te ndjekur ndeshjen e femrave ne mes Vllaznise dhe Apolonise dhe duke pare goditjet e fuqishme te Megi Doçit, mendja na shkoi menjehere tek minuta e 25-te e ndeshjes se djeshme ne mes Vllaznise dhe Bylisit.
Ishte momenti kur mesfushori Herald Marku shkarkoi te majten e tij te forte nga rreth 35 metra dhe topi goditi traversen e cila eshte tundur jo pak.
Futbollisti shkodran ishte i pafat kete here per te shenuar golin e tij te trete per kete sezon me Vllaznine, por mbase e ka “prenotuar” per sfiden e ardhshme me Kastriotin.
Do te luaje ndaj ish- skuadres se tij te para dy sezoneve, megjithate tashme eshte pjese e Vllaznise dhe do te tentoje te beje sa me mire per te.
Ne fakt vetem keto muajt e fundit kane “zbuluar” aftesine e ketij lojtari per te goditur fort me te majten. Ka qene pikerisht ndeshja e play-out me Beselidhjen qe e nxorri ne pah kete aftesi te ketij lojtari.
Ishte goli i pare i tij me Vllaznine nderkohe qe sivjet ka shenuar dy te tille, pikerisht ne ndeshjen ndaj Tiranes dhe padyshim qe do te shenoje edhe te tjere ne te ardhmen. Traversa ndaj Bylisit vazhdon te tronditet dhe mbase goli i trete vjen te merkuren…/SHKODRA-SPORT.COM/
