Numri i sportistëve dhe sportisteve shqiptare nëpër Europë po shtohet nga dita në ditë dhe padyshim që ky është një lajm i mirë edhe për ekipet kombëtare shqiptare.
Interesant është fakti që tek ekipi i Torinos së futbollit të femrave për 15 vjeçaret, bëjnë pjesë edhe tre vajza nga Shqipëria. Bëhet fjalë për shkodranen Alessia Millaj si dhe për Ina Cala e Sara Tahiraj.
Të tre ato konsiderohen pjesë e rëndësishme e ekipit dhe trajnerët Roberto Pedona e Lucca Mattino, i vlerësojnë maksimalisht dhe jo më kot janë titullare të këtij ekipi.
Aktivizimi në mënyrë të rregullt në kampionat me ekipin e Torinos sigurisht që do t’i ndihmojë këto futbolliste të rriten edhe më shumë nga ana profesionale dhe ky është një lajm i mirë edhe për kombëtaren e Shqipërisë prej së cilës me shumë mundësi shumë shpejt do t’u shkojë ftesa për të qenë pjesë e ekipit U17 që drejtohet nga Agustin Kola.
www.shkodrasport.com
