Zv/presidenti i Barcelonës Hordi Kardoner ka rezultuar pozitiv në testin anti-koronavirus.
Nr.2 i klubit katalanas ndodhet në shtëpinë e tij i izoluar dhe po vazhdon të kurohet normalisht. Ai është pjesëtari i tretë i klubit që infektohet me virusin COVID-19.
Disa ditë më parë, u konfirmua se drejtori i Shërbimit Mjekësor të Barcelonës Ramon Kanal dhe mjekur i skuadrës Hoze Antoni Gutierrez ishin infektuar me koronavirus.
Sipas informacioneve nga Spanja, të dy pjesëtarët e klubit të Barcelonës po rikuperohen gradualisht.
Kujtojmë që aktivitetet sportive në Spanjë janë shtyrë pa afat pasi qeveria vendosi vazhdimin e gjendjes së emergjencës.
