Skuadra e Vllaznisë rrezikon seriozisht rënien nga Kategoria dhe tashmë trysnia e krijuar për trajnerin Ernest Gjoka është shumë e madhe.
Megjithatë tekniku kryeqytetas nuk dorëzohet dhe përmes një postimi në rrjetet sociale, i ka kthyer përgjigje të gjithë skeptikëve përmes një shprehje filozofike.
“Kjo botë i ngjan malit. Gjithcka varet nga timbri i zërit tënd. Në rast se i thua gjëra të bukura, bota do t’i përgjigjet zërit tënd.
Në rast se bërtet e thua gjëra të pakëndshme, ajo menjëherë do t’i përgjigjet tonit tënd.
Edhe në rast se dikush flet keq për ty, ti mos e prish timbrin e zërit tënd, flit mirë.
Që bota të ndryshojë, duhet të përgjigjesh me zemrën tënde“, shkruan Ernest Gjoka duke treguar në këtë mënyrë palëkundshmërinë e tij në krye të pankinës shkodrane.
Me çdo mënyrë, sigurisht sportive, tekniku kryeqytetas do të punojë për të mbajtur në elitë skuadrën e Vllaznisë./newsport/
