Federata Shqiptare e Futbollit do të zhvillojë Turneun e Shoqatave Rajonale në datat 6 dhe 7 nëntor, me pjesëmarrjen e ekipeve të moshave U-13. Turneu do të zhvillohet në Fier dhe Kamëz (Tiranë), ndërsa finalja në “Shtëpinë e Futbollit”. Ekipet pjesëmarrëse do të ndahen në dy grupe, ku në grupin e parë do të bëjnë pjesë Fieri, Durrësi, Elbasani, Gjirokastra, ndërsa në grupin e dytë do të jenë Tirana, Korça, Shkodra dhe Lezha.
Ky turne ka si synim kryesor evidentimin e elementëve të rinj që luajnë në kampionatet rajonale të organizuara nga FSHF dhe vëzhgimin e mëtejshëm të tyre nga stafi i të gjitha ekipeve kombëtare, për të seleksionuar lojtarët e rinj që mund të jenë potencial i ekipeve kombëtare të moshave në vijim.
Në bazë të rregullores së këtij aktiviteti, kohëzgjatja e çdo ndeshjeje do të jetë me 2 pjesë nga 20 minuta.
Turneu i ekipeve përfaqësuese rajonale për moshat U-13
Kalendari i ndeshjeve:
Kategoria 2012
Grupi Tirana (Kamëz)
Tirana vs Korça Ora 10:00
QSK Qendra Stërvitore Kamëz
Lezha vs Shkodra Ora 10:00
QSK Qendra Stërvitore Kamëz
Korça vs Lezha Ora 11:00
QSK Qendra Stërvitore Kamëz
Shkodra vs Tirana Ora 11:00
QSK Qendra Stërvitore Kamëz
Tirana vs Lezha Ora 12:00
QSK Qendra Stërvitore Kamëz
Korça vs Shkodra Ora 12:00
QSK Qendra Stërvitore Kamëz
