Liverpool arriti të fitojë në takimin e parë çerekfinal në UEFA Champions League, teksa mposhti 2-0 Porton.Një triumf mjaft i merituar ky për të besuarit e Jurgen Klopp, që shikojnë më pranë gjysëmfinalen e kompeticionit më të rëndësishëm në Europë.
Por, kjo nuk i ka ngrohur edhe aq shumë tifozët “The Reds”, të cilët pas takimit kanë shpërthyer në kritika ndaj teknikut gjerman. Shkak është bërë mesfushori me origjinë shqiptare, Xherdan Shaqiri.
Kjo pasi, ylli i kombëtares zviceriane priste inkuadrimin në lojë, por topi nuk doli asnjëherë jashtë dhe gjyqtari mbylli ndeshjen. Situatë që nuk është pritur aspak mirë nga tifozët, të cilët përmes “Twitter”kanë mbështetur Shaqirin për karakterin e treguar.
