Dhuna e ushtruar ditën e djeshme ndaj gjyqtarit Eldorian Hamiti, mund të ketë pasoja të mëdha. Arbitri lezhian u godit në krye të detyrës nga presidenti Naim Qarri së bashku me disa tifozë të tjerë.
Kësisoj, Federata Shqiptare e Futbollit ka njoftuar ditën e sotme një konferencë urgjente në orën 11:00. Mësohet se Komiteti Ekzekutiv i FSHF-së po planifikon që të ndërpresë kampionatin sepse në të tilla kushte, me një siguri inekzistente nuk mund të vijohet më tej.
Ndaj, pritet me interes vendimi që do të merret nga Ekzekutivi i Federatës Shqiptare të Futbollit. Gjasat janë që ndërprerja e kampionatit të vazhdojë deri në momentin kur policia e shtetit të vendosë rikthimin e uniformave blu brenda ambienteve të stadiumit për të ruajtur rendin dhe sigurinë.
Pritet me interes të mësohet se çfarë do të ndodhë ndërsa kujtojmë që FSHF-ja doli në komunikatë për shtyp ku dënoi ashpër dhunën e ushtruar ndaj Eldorian Hamitit./newsport/
