Esin Hakaj ka qene nje nga synimet e merkatos se Elbasanit, por duket se drejtuesit verdheblu tashme jane shume prane zyrtarizimit te nje tjeter futbollisti per krahun e majte te mbrojtjes. Behet fjale per Emiliano Musten.
Burime të besueshme pranë klubit elbasanas, pohojnë se mes tyre është arritur marrëveshja dhe pritet që ish-futbollisti i Egnatias të rikthehet në futbollin e luajtur pas gjysmë sezoni pauze, për shkak se ishte në Angli për arsye familjare.
Më herët, në krah të majtë të mbrojtjes ishin përfolur edhe emrat e Lorenc Trashit dhe Esin Hakajt, por mesa duket këtë “konkurrencë” e ka fituar Musta, i cili rikthehet në Elbasan pas shumë vitesh shtegtim në ekipet e tjera. Me pak fjalë, edhe krahu i majtë i mbrojtjes mund të cilësohet si i zgjidhur, sepse bëhet fjalë për një lojtar me mjaft eksperiencë në futbollin shqiptar.
Elbasani dje nderkohe ka zyrtarizuar edhe marrjen e mbrojtesit Bruno Lulaj. Po ashtu drejtuesit e klubit kane bere te ditur se kane arritur akordin edhe me futbollistin e Kombëtares së Moldavisë, Kristian Dros.
