Koronavirusi ka krijuar panik në të gjithë Europën, me qytetet të cilat kanë stopuar jetesën e tyre normale. Në këtë mes nuk ka shpëtuar as futbolli, i cili ka mbushur një javë që ka mbyllur aktivitetin dhe ende nuk mund të përcaktohet një datë se kur do të mund të rifilloj.
Sakaq, në këtë verë ishte parashikuar të mbahej Europiani, por kompeticioni është në dyshim serioz.
Kjo, pasi klubet duket se kërkojnë të përfundojnë kampionatet dhe Champions League në çdo mënyrë duke kërkuar shtyrjen e Euro 2020. Sidoqoftë, kjo do të vendoset në mbledhjen e sotme, por një sinjal për anulimin e Euro 2020, ka ardhur në ditën e sotme.
Nga Danimarka bëhet e ditur se janë anuluar të gjithë prenotimet e UEFA-s për hotelet. Këtë herë Europiani do të zhvillohej në 12 qytete të ndryshme dhe Kopenhagen ishte një prej tyre, por vendimi i UEFA-s për të anuluar rezervimet duket se nuk le shumë vend për interpretim. /VipSport/
