Shqipëria do të përballet sot në orën 20:00 me Uellsin në takimin miqësor që luhet në “Elbasan Arena”. Për shkak të ecurisë negative në ndeshjet të ekipit Kombëtar, interesi i tifozëve shqiptarë në këtë ndeshje pritet të jetë i ulët, teksa “ligjin” pritet ta bëjnë miqtë nga Uellsi.

Kur duhen edhe disa orë nga starti i ndeshjes, në Elbasan kanë mbërritur plot 20 autobusë me tifozë uellsianë të cilët do të mbështesin skuadrën e tyre në sfidën miqësore ndaj Shqipërisë.

“Panorama Sport” ka arritur të sigurojë video dhe foto nga mbërritja e tifozëve uellsianë në qytetin e Elbasanit. Pritet që në stadium të jenë afro 2000 tifozë miq, të cilët kanë përfituar nga ky takim për të bërë një vizitë në vendin tonë.