Suksesi i ekipit Vllaznia U19 dy ditë më parë kur fitoi Kupën e Shqipërisë për të dytin vit me rradhë, ka shkaktuar jo pak jehonë në Shkodër. Tashmë pjestarët e këtij ekipi jo vetëm kanë marrë shumë përgëzime, por po bëhen gjithnjë e më të njohur.
Madje, janë të pranishëme dhe në media dhe i tillë ka qenë edhe emisioni “Studio Sport” në Radio Shkodra, ku gazetari Gasper Marku ka patur të ftuar në studio përveç Eridon Qardakut, edhe futbollistin tjetër Uheid Hoxha.
I datëlindjes 1 gusht 2000, Uheidi ka qenë ndër lojtarët më të mirë në këtë finale, duke shënuar golin e parë për Vllazninë, duke kontribuar tek i dyti dhe për rrjedhojë në fund ka gëzuar shumë.
“Pas ndeshjes kam qenë vërtetë natyrisht shumë i lumtur sepse realizova një gol në finale, fituam një kupë dhe në këtë mënyrë ia shpërbleva vetes punën e bërë, pror edhe familjes time mbështetjen e madhe që më kanë dhënë dhe sakrificën që kanë bërë për mua. Prandaj dhe ky dedikim i shkon familjes por edhe Zotit sepse prej tij vjen çdo gjë”- ka thënë Hoxha ndër të tjera.
Kombinimet me Qardakun kanë qenë të veçanta në këtë finale dhe duket se ato e njohin mirë njëri- tjetrin. Këtë e pranon edhe Hoxha kur thotë: “Me Qardakun merremi vesh mjaft mirë si në fushë ashtu edhe jashtë saj. E njohim mjaft mirë njëri- tjetrin dhe padyshim që kjo na ndihmon për të dhënë më të mirën në fushë.
Ndeshja në fakt nuk filloi mirë për ne sepse kishim emocione por edhe presion se donim ta fitonim me çdo kusht kupën. Pësuam gol dhe kaluam njëfarë shoku por trajneri na thirri dhe na tha se i kemi forcat për të fituar dhe kupa me çdo kusht duhet të shkojë në Shkodër. Kjo na motivoi dhe më pas, çdo gjë foli në favorin tonë duke shënuar dy gola, mund të kishim shënuar edhe të tjerë, megjithatë e rëndësishme është të fitonim dhe ia dolëm”.
Deshira e Hoxhes eshte te luaje per ekipin e pare te Vllaznise dhe pastaj pse jo, te transferohet edhe jashte vendit, megjithate per momentin eshte i fokusuar tek ekipi U19 me te cilin synon te fitoje edhe titullin kampion kete sezon.
© shkodrasport.com
