Uliks Kotrri, ish-ka mpioni i Sh qipërisë me Vllazninë, ka folur së fundmi për “Panorama Sport”. Në intervistën e tij, ai ka analizuar ndeshjen e Kupës, Vllaznia-Dinamo. Sipas ish-mbrojtësit, gjithçka ishte e drejtë për sa i përket rezultatit bazuar në lojën e zhvilluar.
E ndërsa thekson se shanset për kualifikimin në finale janë 50 me 50 mes dy skuadrave. Ndër të tjera, ai ka besimin se kuqeblutë mund të arrijnë suksesin përfundimtar, si në kupë edhe në kampionat në përfundimin e edicionit.
Kotrri, një barazim 0-0 i Vllaznisë në ndeshjen e parë kundër Dinamos, i drejtë?
Po, besoj për nga mënyra se si shkoi ndeshja, ishte shumë e barabartë. Pak episode për t’u përmendur nga ana e të dy kampeve, ku m’u duk se ishin të “kënaqura” me një barazim. Për të zgjidhur gjithçka në ndeshjen e kthimit. Patjetër, të dyja ekipet kanë cilësi dhe ndoshta ishte disi “zhgënjyese”, që nuk pamë një lojë të hapur apo të bukur.
Kush mund të jenë kundërshtarët e Vllaznisë deri në fund?
Besoj se gjithçka do vendoset në fund mes tri skuadrave, Vllaznia, Egnatia dhe Dinamo. Këto 3 ekipe besoj se do jenë edhe fituesit e trofeve në fund të edicionit. Partizanin e shikoj më pas, për shkak të revolucionit që bëri në ekip gjatë janarit. Dhe nuk i shikoj aq të fortë sa janë 3 ekipet e sipër përmendura.
Do mundet Vllaznia të jetë në garë për të dy trofetë?
Unë mendoj se jo vetëm mundet, por Vllaznia do t’i fitojë të dy trofetë e këtij sezoni.
