Ultrasit e Curva Sud kanë reaguar ashpër pas humbjes në Derby della Madonnina ndaj Inter.
Kuqezinjtë janë mposhtur nga goli i Mauro Icardi-t në sekondat e fundit të takimit, pas një paraqitjeje aspak dinjitoze.
“Derbet janë për t’u luajtur,” deklaron Curva Sud nëpërmjet liderit Luca Licci në Instagram.
“Duhet të luftosh, të pështysh gjak dhe mbase mund të humbasësh. Të dielën nuk kishte asgjë! Turp të keni të gjithë!
“Të gjithë ata që zbritën në fushë dhe ata që ju thanë të luanit ashtu. Nuk ka justifikime.
“Duhet të respektoni tifozët, të cilët nuk i zë gjumi një natë përpara ndeshjes, të cilët bënë gjithë atë koreografi për t’ju mbështetur dhe që kënduan për 90 minuta, por sot janë të pafjalë.
“Ata që e duan Milan-in do të vazhdojnë ta bëjnë, por ju nuk jeni Milan.”/telesport/
