Armando Vajushi e mbylli sezonin me Avellino-n, në huazim nga Pro Vercelli.
Gazetari italian, Gianluca di Marzio raporton se 26-vjeçari kërkohet nga klubi tjetër i Serisë B, Carpi.
Pak ditë më parë ka pasur një takim mes menaxherit të sulmuesit shkodran dhe drejtuesve të klubit të Serisë B.
Sipas ekspertit të merkatos në Itali, Gianluca di Marzio, ky takim ka qenë pozitiv dhe palët janë pranë marrëveshjes.
Bisedimet mes klubit të Pro Vercelli-t (ka në pronësi kartonin e Vajushit) dhe klubit të Carpi-t ende nuk kanë nisur.
Pritet që gjatë ditëve në vijim, drejtuesit e dy klubeve të Serisë B të ulen për të diskutuar termat financiarë për transferimin e sulmuesit 26-vjeçar./Vipsport/
