Opinion nga Roland LUÇI
Kur Megi, Ardiola, Suada, Ambra e Uendi me shoqe e bejne qytetin e tyre Kampion te vendit. Behet fjale per Shkodren, qytetin dikur kampion te kultures, kampion te sportit, kampion te zhvillimit ekonomik, dikur kampion te burrave te shtetit e te shtetformimit kombetar.
Sot pak institucione kane dinjitetin te quhen te tilla. E mes atyre pak “kampioneve” te sotem, perfaqesues dhe ambasador i shkelqyer i vlerave me pozitive te qytetit ish-kampion eshte padyshim ekipi i futbollit femra, ekip qe per te disatin vit radhazi fiton çdo trofe shqiptar, perfaqeson Shkodren dhe Shqiperine ne arenen nderkombetare, ben qe flamuri shqiptar te ngrihet anekend Europes ku ky ekip eshte i pranishem si nje cope e vogel Shqiperie.
Dje ky ekip fitoi trofeun e radhes, Shkodra ne kete disipline sportive la mbrapa gjithe konkurentet sido qe ti kene emrat dhe peshen gjeografike e demografike me te madhe, Vllaznia ne futboll per femra fitoi Kupen e Republikes e mbas nja dy muajsh do te kurorezohet padyshim dhe kampione e vendit, per te shtatin a te tetin vit radhazi ne mos gaboj, duke bere qe te jete i pakonkurueshem ne historine e sportit (ekipor) shkodran.
Nderkohe kolegët e tyre meshkuj gjithe keto vite luftojne per mbijetese. Mbijetese sportive, se per mbijetese financiare nuk behet fjale per ta, ka prej tyre qe marrin 4 e 5 milione ne muaj,leke te Shkodres, leke qe prej vitesh mund te thuhet me plot gojen te shkuara dem.
Kurse per keto vajza model e sportiste elitare qe eksportojne neper atdhe dhe jashte tij me aq sa mundin nje grimce kulture dhe emancipimi shkodran nuk ka asgje, ose pothuaj asgje. I duhet te nderuarit Lazer Matija te kujdeset per gjithshka, te paguaje gjithshka, nderkohe qe puna e tij dhe ekipit te tij i sherben metropolit verior ne radhe te pare, aq me teper e ne kontrast me shterpesine cilesore sportive te dekades se fundit.
Kam perjetuar nepermjet ketyre vajzave vjet ne Slloveni emocionet e Championsit, emocionet te Hymnit Kombetar qe çonte ne kembe ekipet kundershtare dhe sportdshesit e shumte ne stadiumet sllovene gjate atij aktiviteti superior.
Me sa jam ne dijeni ekziston nje projekt i UEFA-s qe Championsi i radhes i femrave te kontinentit te zhvillohet ne Shkoder. Po, po, ne Shkoder.
Do te ishte aktivitet qe do e vinte qytetin tone ne qender te vemendjes sportive europiane, do e promovonte atë.
Po Shkodra vete a duhet te levize? – Duhet patjeter, duhet te levize Bashkia, duhet te levize media e mbetur memece qe nuk ka integritetin profesional te perçoje sa duhet suksesin qe keto kampione e bejne qytetin tone kampion, duhet te levize opinioni sportiv e qytetar ne mbeshtetje te vlerave sportive e qytetare qe keto vajza perfaqesojne!
