Periudha e verës po shënon shumë ndryshime në pankinat e skuadrave të ndryshme, përfshirë këtu edhe ato të moshave. Lëvizja e rradhës që ka ndodhur është largimi i Valdano Nimanit nga pankina e ekipit Shkodra U-19.
Pas një sezoni në krye të kësaj skuadre, ka qenë vetë Nimani që ka marrë këtë vendim nga ana e tij.
Në fakt, ekipi i drejtuar prej tij arriti të bindte me lojën dhe rezultatet gjatë këtij sezoni, por në fund nuk ia doli dot që të ngjitej në Superiore, ndoshta edhe prej vetë organikës së paktë që kishte në dispozicion trajneri Nimani, me një grup prej vetëm 13-futbollistësh.
Tashmë, lëvizjet në pankinat e skuadrave të moshave kanë filluar pak nga pak, ndërsa në vijim pritet të merret vesh se kush do të jetë trajneri i ri i skuadrës së Shkodra U-19, por edhe e ardhmja e Valdano Nimanit që ndoshta mund të vijojë në drejtim të ndonjë ekipi tjetër.
Maringlen ZHIVANI
