Kristiano Ronaldo foli për “SkyItalia” pasi skuadra e tij arriti të mundë Sampdorian 2-1, pas një vendimi të diskutueshëm të VAR-it në minutat e fundit.
Saponara i Sampdorias arriti të shënojë, por goli i tij u anulua nga VAR-i dhe Juventusi mori tri pikët. Pas ndeshjes, Ronaldo u shpreh: “Ekipi bëri shumë mirë në këtë pjesë të parë të sezonit, duke fituar pothuajse çdo ndeshje, por sezoni është ende i gjatë.
Ne duhet të qëndrojmë të përqendruar dhe të vazhdojmë të punojmë. VAR? Më pëlqen sepse eliminon gabimet, por kur përdoret shpesh, futbollit i humbet origjinaliteti”,- përfundoi ylli portugez, që shënoi 2 golat e fitores./vipsport/
