Seria e fitoreve për ekipin e Veleçikut ka vazhduar edhe sot.
Pasdite në fushën e kompleksit sportiv “Duli” në Koplik është luajtur “derbi” në mes Veleçikut dhe Adës dhe vendasit kanë fituar me rezultatin e pastër 3-0.
Rezultati është zhbllokuar shumë shpejt. Në minutën e dytë ka qenë sulmuesi Donat Toma ai që ka shënuar golin e parë.
25 minuta më vonë ka qenë sulmuesi tjetër Denis Çokaj ai që ka shënuar edhe golin e dytë dhe me të është mbyllur pjesa e parë.
Në të dytën ka qenë sërish Çokaj ai që ka shënuar edhe golin e tretë dhe të fundit të kësaj ndeshje.
Me këtë fitore, Veleçikut është ngjitur në kuotën e 59 pikëve duke qenë sërish në vendin e dytë pas Vorës e cila edhe ajo ka fituar sot.
Diferenca prej tre pikësh duket e parikuperueshme dhe tashmë koplikasit e trajnerit Duli kanë filluar të mendojnë për ndeshjen e play off-it.
Ata janë në pritje të mësimit të emrit të kundërshtarit dhe padyshim që objektivi nuk do të ndryshojë.
Ngjitja në kategorinë e parë tashmë konsiderohet një detyrim për futbollistët e kësaj skuadre, për t’i bërë një dhuratë të bukur tifozërisë së Malësisë.
© shkodrasport.com
