Faza e dytë e kampionatit të kategorisë së dytë starton këtë të dielë dhe bashkë me të edhe gara për vendin e parë në grup, atë që të çon automatikisht në kategorinë e parë.
Dueli në mes Vorës dhe Veleçikut pritet të jetë shumë i fortë. Diferenca prej tre pikësh në favor të së parës është plotësisht e rikuperueshme. Koplikasit duan ta nisin fazën e dytë me fitore.
Ata presin në fushën e kompleksit të vëllezërve Duli ekipin “Kukësi B”.
Veleçiku nën drejtimin e trajnerit Besnik Duli pritet të marrë fitoren e rradhës sepse mes dy ekipeve ekzistojnë diferencat por gjithsesi vendasit do t’i ruhen ndonjë të papritur.
E gjithë ideja është që diferenca të ruhet deri në ndeshjen direkte me Vorën që do të luhet në Koplik në mënyrë që të ndërrojë vendet me këtë kundërshtar. Gjithsesi duhet pritur deri atëherë.
© shkodrasport.com
