Kryetari i Bashkisë së Tiranës, Erjon Veliaj, ishte i pranishëm në tribunën e stadiumit “Air Albania” për të ndjekur turneun e bamirësisë të organizuar nga Sindikata e Futbollistëve Shqiptarë.
Një event bamirësie, për t’iu ardhur në ndihmë banorëve të prekuar nga tërmeti. Kryebashkiaku i Tiranës nuk i kurseu batuat teksa u pyet nëse ka një skuadër të preferuar që bën tifo, duke deklaruar se partia është me Partizanin, ndërkohë që Bashkia është aksionere e Tiranës.
“Është një kauzë fantastike! Dua të përgazoj organizatorin Andi Lila. Ne si bashki kemi blerë 1 mijë bileta për këtë përballje.
Keni ndonjë skuadër të preferuar që bëni tifo? Unë bëj tifo vetëm për ekipin Kombëtar. Siç dihet bashkia është aksionere e Tiranës, por partia bën tifo për Partizanin!
Një pjesë e drejtuesve të partisë janë me Partizanin. Jam kurioz të shikoj përballjen mes Greqisë dhe Turqisë, për shkak edhe situatës politike të 2 vendeve.
Po shoh që te Turqia janë 2 futbollistë me numrin 99, lejohen 2 futbollistë me të njëjtin numër (qesh)”, u shpreh Erjon Veliaj.
