Terbuni ka marre nje fitore me vlere sot ndaj ekipit Albanet me rezultatin 2-1 ne takimin e luajtur ne stadiumin “Ismail Xhemali” te Pukes. Nje trepikesh ky qe tregon edhe njehere tjeter se pukjanet jane te vendosur per te tentuar deri ne fund arritjen e objektivit te tyre, ngjitjen ne kategorine e pare.
Skuadra e drejtuar nga trajneri Sinan Bardhi ka kontrolluar gjithçka ne takimin e sotme, megjithate vetem ne pjesen e dyte ia ka dale te siguroje fitoren sepse 45 minutat e para pavaresisht rasteve te krijuara nuk kane prodhuar gola.
Krejt ndryshe do te ishte e dyta. Fillimisht do te ishte mbrojtesi shtatelarte Arsid Temja ai qe do te zhbllokonte shifrat ne minuten e 50-te. U mendua se ky gol do t’i jepte qetesine e duhur vendasve, por megjithate miqte nuk hoqen dore nga pretendimet e tyre dhe si rrjedhoje ne minuten e 71-te arriten te barazojne me ane te futbollistit Alushi.
Por barazpesha do te zgjaste vetem dy minuta sepse per ta prishur ate do te mendonte mesfushori- sulmuesi Uendi Vecaj i cili do te shenonte golin e dyte per Terbunin, ate qe do te vuloste fitoren perfundimtare 2-1 te tij ndaj ketij kundershtari.
Me fitoren e sotme, Terbuni eshte ngjitur ne kuoten e 17 pikeve, po aq sa edhe Beselidhja e cila ka nje ndeshje me pak te luajtur dhe ndajne sebashku vendet 4 dhe 5 ne renditje./www.shkodrasport.com/
TERBUNI- ALBANET 2-1
(Temja ’50, Vecaj ’73/ Alushi ’71)
