Ndër 22 futbollistët e aktivizuar tek Vllaznia në gjysmën e parë të sezonit, vetëm 4 prej tyre i kanë luajtur të plota ndeshjet, pra të 16-tat. Edhe ndër këto katër futbollistë, vetëm Arsen Sykaj i ka luajtur të gjitha të plota, pra nga 90 minuta. Tre të tjerët, Arsen Hajdari, Ndriçim Shtubina dhe Arsid Kruja, kanë luajtur më pak. Ajo që bie në sy është se barrën e ekipit e kanë mbajtur një numër i reduktuar lojtarësh ndërkohë që disa të tjerë kanë luajtur pak, pa patur ndikim tek skuadra.
Ndërkohë sa i takon minutazhit, më shumë pas Sykjes që ka minutazhin e plotë- 1440′, vjen i dyti Hajdari me 1383′ ndërsa i treti është portieri Vujadinoviç me 1350′ dhe me rradhë pastaj Belisha, Tafili, Shtubina, Bushiç etj. Ndër lojtarët që kanë luajtur më pak është Vecaj që është aktivizuar vetëm 2 minuta në një ndeshje dhe pas tij vjen Rexha me 29 minuta në 2 ndeshje. Më poshtë është tabela e plotë e të gjitha ndeshjeve me lojtarët e aktivizuar dhe minutat përkatëse.
www.shkodrasport.com
