Pasneser eshte dita e fundit e muajit janar. Ne kete menyre, muaji i pare i vitit po iken dhe do te vije i dyti. Por nderkohe, te gjithe ekipet e shumesporteshit ne Shkoder ende nuk e kane te qarte se kur do t’i kene ne numrat e tyre te llogarise fondet qe do rialokohen ne forme granti nga Bashkia?
Ne pamje te pare, kjo e fundit duket shume vone me hapjen e thirrjes per shoqatat sportive. Ju kujtojme qe ne vitin 2024 ajo u be me date 17 janar dhe afati i dorezimit te aplikimeve ishte deri me 14 shkurt, ndersa sivjet ndonese jemi 12 dite me vone, ende nuk duket se ka ndonje sinjal per kete gje.
Nje vit me pare, shoqatat sportive filluan t’i kishin fondet ne numrat e tyre te llogarise pas dates 20 prill. Po sivjet? Me kete ritem qe po ecen puna, te gjithe shpresojne qe te mos i kape muaji maj.
Duket se kemi te bejme me neglizhence te administrates se Bashkise Shkoder. Titullaret e saj, por edhe Keshilli Bashkiak Shkoder e kane bere detyren e tyre. Ne buxhetin e vitit 2025, kane miratuar edhe fondin prej 440 milione lekesh te vjetra (po aq sa edhe fondi i vitit 2024) qe do te shperndahet ne forme granti per 15 lloje sportesh.
Por administrata e Bashkise nuk e dime per çfare arsye por ende nuk ka bere hapin e duhur per te nisur procesin e rialokimit te fondeve per shoqatat sportive permes programit Reload. Nisur nga kjo neglizhence, sportistet dhe trajneret e te gjitha ekipeve te Vllaznise (perjashto futbollin) nuk do te marrin asnje leke edhe per 2-3 muaj te tjere.
Qe do te thote se ekipet e basketbollit, volejbollit, atletikes, çiklizmit etj, qe i kane filluar aktivitetet e tyre zyrtare per kete vit, po shkojne dhe do t’u duhet te shkojne ne to me shpenzime xhepi sepse fondet ende nuk jane miratuar. Nje procedure e cila po krijon probleme te medha vit pas viti.
Dikush thote se ato fonde qe jane planifikuar, do te merren. Po ashtu mund te jete, por nuk eshte aspak normale sepse sportistet e trajneret dalin çdo dite ne stervitje dhe duan qe ne fund te muajit te marrin ate se çfare u takon dhe qe ne fakt nuk eshte ndonje shifer e madhe. (www.shkodrasport.com)
