Kamza dhe Laçi janë ndarë në paqe mes tyre duke barazuar 1-1, por vetë takimi nuk ka përfunduar në paqe, duke qenë se në fushë kanë hyrë disa tifozë të Kamzës të cilët kanë shfryrë inatin e këtij barazimi ndaj gjyqtarit Eldorian Hamiti. Në minutat e fundit, Hamiti ka akorduar në penallti për Laçin, e konvertuar në gol nga Najdenov.
Ndeshja mes Kamzës dhe Laçit ka përfunduar në mënyrën më të keqe, duke qenë se disa tifozë kanë hyrë në fushë duke sulmuar gjyqtarin kryesor të ndeshjes, Eldorian Hamiti. Shkak për dhunën e shfaqur ndaj Hamitit, është bërë një penallti e akorduar në sekondat e fundit të takimit.
Kur ishin dhënë 5 minuta shtesë, Avdyli ka shkaktuar një penallti në minutën e 6 të kohës shtesë dhe kjo ka irrituar tifozerinë vendase. Përveç faktit se koha shtesë kishte përfunduar, edhe penalltia e akorduar duket se nuk është pranuar nga tifozët të cilët nuk pranojnë se kishte faull nga Avdyli.
VIDEO Penalltia e akorduar:
