Vllaznia futsall pas disa vitesh mungese eshte rikthyer serish te marre pjese ne kampionatin kombetar, kampionat te cilin e ka nisur sot me fitore teksa ka mundur ne ndeshjen e pare ekipin durrsak Diamant me rezultatin 7-5 ne ndeshjen e luajtur ne pallatin e sportit “Qazim Dervishi” te Shkodres.
Trajneri i ketij ekipi eshte Bujar Celufaj i cili ka nje eksperience te madhe ne minifutboll edhe si lojtar por edhe si trajner. Pas ndeshjes se sotme ai eshte shprehur keshtu per mediat:
“Ekipi ne fakt eshte mbledhur pak vone sepse vetem pak dite me pare u vendos qe do te merrnim pjese ne kampionat.Megjithate jam shume i kenaqur me kete start me fitore. Ne ndeshjen e ardhshme besoj se do te paraqitemi me mire sepse edhe sportistet do te njihen me mire me njeri- tjetrin.
Une sot jam i kenaqur me deshiren qe ata shfaqen ne fushen e lojes dhe ndonese kishim disa mungesa te rendesishme, serish ia dolem qe te fitojme dhe ta nisim mbare kete kampionat. Te perfaqesosh Vllaznine eshte gjithmone nje kenaqesi shume e madhe dhe do te mundohemi ta justifikojme me se miri emrin e saj.
Per momentin objektivi i ekipit tone eshte te futemi ne play-off dhe me pas te shohim se çfare mund te bejme me shume. Mbeshtetja qe po na japin disa biznesmene dhe ish- futbolliste, na ka bere te ndihemi mire dhe do te bejme çmos t’i kenaqim me rezultatet e duhura”./SHKODRA-SPORT.COM/
