Xherdan Shaqiri është një nga futbollistët më të urryer për ish-futbollistin e Mançester Junajtid, Geri Nevill. Po ndonjëherë, duhet ta “hash turpin me bukë”, thotë një shprehje shqiptare.
43-vjeçari veshi në emision bluzën e Shaqirit, për shkak të një basti me legjendën tjetër Karragher.
Ish-mbrojtësi i Liverpulit, e mundi me 11-metërsh Nevillin, në një përballje mes tyre dhe dënimi për këtë bast të humbur ishte që ai të vishte në emision fanellën e Shaqirit.
Futbollisti me origjinë shqiptare, dorëzoi ditën e djeshme në redaksinë e “Sky Sport” fanellën e tij ku shkruante: “Për fansin tim numër 1, Geri Nevill. Të lutem, mos e shit këtë fanellë në internet!”
Videoja e momentit ku Nevill vesh bluzën e Shaqirit u shpërnda menjëherë në rrjetet sociale, ku nuk munguan komentet e ndryshme.
