Ne momentin e prezantimit te saj te Vllaznia, ishte shprehur se nje nga arsyet e ardhjes se saj ne Shkoder ishte i ati i cili ishte tifoz i kesaj skuadre dhe golin e pare qe do ta shenonte, do t’ia dedikonte pikerisht atij.
E kemi fjalen per sulmuesen anesore Jehona Coka. Pas disa minutave ne ndeshjen e pare te kampionatit ate ndaj Partizanit, ne ndeshjen e javes se dyte, ate me Teuten jo vetem ka qene 90 minuta ne fushen e lojes por ka shenuar edhe dy gola.
Si rrjedhoje, Coka ne nje prononcim te dhene per gazeten “Shkodra Sport” ka shprehur kenaqesine per fitoren ne rradhe te pare, por edhe per golat e saj te pare me fanellen kuqeblu. Ajo njekohesisht eshte e bindur se objektivat e Vllaznise jane te qarta edhe per sezonin e ri, fitimin e te dy trofeve.
“Me shume sesa per golat, jam e kenaqur ne rradhe te pare per fitoren e Vllaznise. Sa i takon golave, kuptohet qe ato ia dedikoj babit tim dhe shpresoj qe ne ndeshjet e ardhshme te vazhdoj te bej mire per ekipin dhe te shenoj edhe gola te tjere, edhe me te rendesishem se keto ndaj Teutes.
Vllaznia si gjithmone nuk i diskuton fitoret, por per ne ka rendesi qe te rrisim performancen nga ndeshja ne ndeshje. Ajo ka 10 vite qe eshte kampione e Shqiperise dhe padiskutim qe do te jete edhe per here te 11-ten here rradhazi. Duket se ne fakt ky sezon ka me shume rivalitet, por ne fokusohemi tek vetja dhe nuk shohim se çfare bejne te tjeret. Une shpresoj qe te shenoj edhe te tjere gola per skuadren dhe ta ndihmoje ate njekohesisht edhe ne aspekte te tjera”- eshte shprehur Jehona Coka./SHKODRA-SPORT.COM/
