Vllaznia do te luaje neser ndaj Dinamos ndeshjen e kthimit gjysmefinale te Kupes se Shqiperise dhe pavaresisht se perballja e pare ne Shkoder u mbyll ne shifrat e barabarta 0-0, serish ajo beson shume tek fitorja dhe kalimi ne finalen e ketij kompeticioni.
Nje besim i tille eshte shfaqur edhe sot ne fjalet e kapitenit Bekim Balaj i cili ka qene perkrah trajnerit Thomas Brdariç ne konferencen e shtypit te pragndeshjes. Ne lidhje me takimin e neserm ne “Elbasan Arena” ai eshte shprehur:
“Perpara kemi nje ndeshje shume te rendesishme siç eshte ajo e nesermja me Dinamon, nje ndeshje qe do te na siguroje finalen. Pas sfides se pare ne Shkoder qe u mbyll ne shifrat 0-0, kjo e dyta do te jete nje “finale” me vehte. Perqendrimi eshte maksimal, vijme edhe me nje gjendje psikologjike pasi ne ndeshjen e fundit u ngjitem ne vendin e dyte dhe jemi gati te japim me te miren tone ne kete ndeshje, per te qene ne ne finale”.
Kuptohet qe kupa ka rendesine e vet, por shkodranet e kane mendjen tek titulli kampion i cili u mungon prej 24 vitesh. I pyetur nese Balaj do te ishte i gatshem t’i dhuronte te gjithe golat e ketij sezoni per kete trofe, ai shprehet:
“Kjo nuk eshte vetem andrra jeme, por e gjithe shkodraneve. Gjithsesi kemi akoma rruge per te bere dhe duhet te qendrojme me kembe ne toke dhe me perqendrim maksimal. Kuptohet qe synimi maksimal per ne eshte titulli kampion, por nderkohe jemi vetem nje hap edhe fiinales se kupes dhe nuk kemi pse terhiqemi edhe nga ky objektiv. Do te mundohemi te bejme me te miren e mundshme per ta mbyllur siç duhet kete sezon”.
Te plote prononcimin e kapitenit te Vllaznise Bekim Balaj ne konferencen e sotme per shtyp do te keni mundesine ta ndiqni ne kanalin zyrtar te gazetes “Shkodra Sport” ne youtube duke klikuar ne linkun e meposhtem:
