Ajaksi po kalon një moment mjaft të mirë si në kampionat, ashtu edhen Europë ku pak javë më parë eliminoi Real Madridin nga Liga e Kampionëve dhe në çerekfinale do të përballet me Juventusin.
Një nga më të dalluarit në ndeshjet ndaj Realit, ishte mbrojtësi argjentinas Nikolas Taliafiko që me paraqitjet e tij vuri jo pak në vështirësi Realin.
Megjithatë, edhe Taliafiko duket se ka ditën e tij jo të mirë. Në ndeshjen e fundit në kampionat, Ajaksi fitoi me rezultatin 2-5 ndaj Emenit, ndërkohë që protagonist negativ në këtë takim ishte mbrojtësi. Ai ka shënuar një autogol nga një distancë prej 30 metrash.
Më shumë se gabim i mbrojtësit, në fakt ishte gabim i portierit i cili nuk e kishte mendjen te ajo që po ndodhte në fushë dhe e kishte lënë portën e boshatisur. Autogoli i Taliafikos nuk ka ndikuar shumë në rezultat përveç statistikës, pasi skuadra e tij po kryesonte me rezultatin 0-5. /Vipsport/
