Historia e futbollit ka treguar në vite se ka edhe portierë “të çmendur”.Ato që bënte për shembull portieri kolumbian Higuita janë ende në mendjen e shumë njerëzve. Por përveç tij, ka edhe të tjerë. Në fakt, shumica e portierëve nuk e teprojnë kurrë me mbajtjen e topit dhe përpiqen që pasimet t’i bëjnë sa më të sigurta dhe të sakta sepse nuk kanë shumë siguri në mbajtjen e tij.
Kanë probleme në pasim apo dhe kuptohet edhe frikën e ndonjë gabimi të mundshëm. Por ka prej atyre të cilët duan të dhurojnë spektakël.Për shembull, Marc-André ter Stegen nuk di ta largojë sferën pa luajtur paksa me të, aq sa tifozët e Barcelonës gati sa nuk pësojnë infarkt. Mënyrat për të rrezikuar në zonë janë të shumta. Disa prej tyre mund t’i shihni në videon e mëposhtme. Në fakt, edhe portieri i Bajernit dhe i kombëtares gjermane Nojer “e ka tepruar” shpeshherë me mbajtjen e topit aq sa konsiderohej si një mbrojtës i mirëfilltë për mënyrën si luante me këmbë. Por edhe ter Stegen është i veçantë me këto veprime që bën.
© shkodrasport.com
