Është e vërtetë që kombëtarja e Anglisë mund t’i ketë përmirësuar paraqitjet në fushë gjatë vitit të fundit, mirëpo duket se jo gjithçka po shkon në mënyrë të përsosur, pasi ylli i skuadrës, Dele Alli, është filmuar teksa shkaktoi një incident me stafin e hotelin ku po qëndronte skuadra angleze.
Anglia arriti një fitore të madhe të dielën në “Wembley” duke përmbysur Kroacinë nga 0-1 në 2-1, ndeshje e vlefshme për Ligën e Kombeve, ku në këtë mënyrë u hakmor për humbjen në gjysmëfinalen e Kupës së Botës.
Me këtë fitore, anglezët kanë arritur në gjysmëfinale, kurse Kroacia përfundoi në Ligën B. Kroatët e mbyllën në fund të tabelës me katër pikë, dy më pak se Spanja e vendit të dytë, kurse Anglia në krye të renditjes me shtatë pikë.
Në përfundim të ndeshjes, ylli i skuadrës, Alli, iu ankua stafit të hotelit ku po qëndronin sepse kërkonte të akomodohej në një dhomë më ekskluzive. I përfshirë në këtë debat ishte edhe bashkëkombësi i tij, Ross Barkley, i cili luan te Chelsea.
Ndërsa Barkley nuk flet asnjëherë në videon 36-sekondëshe, bashkëkombësi i tij i drejtohet me zë të lartë stafit, dhe sipas dëshmitarëve të pranishëm në hotel, dy lojtarët ishin nën efektin e alkolit. “15 mijë euro. Mendoni se do t’i durojë këto gjepura? Çfarë do të bëni për mua? Unë thjesht… por unë kam një dhomë këtu sonte”, dëgjohet duke bërtitur Alli. /EDS/
https://www.youtube.com/watch?v=qnCl6aiHuG4
