Deri ne vershellimin e fundit te arbitrit Ferataj ka qene ne ankth dhe menjehere pas saj ka shperthyer ne feste. Nje feste mese e ligjshme per vete investimin e bere, mundin, lodhjen dhe stresin e perjetuar. Por ne fund ia ka vlejtur: Basania e krijuar prej tij, e arriti objektivin dhe eshte ngjitur ne kategorine e dyte.
E kemi fjalen per presidentin e ketij klubi Ermir Shimaj qe eshte pare tejet i emocionuar pas fitores se djeshme 2-1 ndaj ekipit Arnisa qe solli dhe arritjen e objektivit, ngjitjen nje kategori me lart. Nderkohe ne nje rrefim ekskluziv per gazeten “Shkodra Sport” ai falenderon edhe te gjithe ata qe kontribuan ne kete sukses.
“Nje moment shume emocionues sepse ne kete ndeshje vendosej gjithçka per ne. Ka qene shume e veshtire arritja e objektivit sepse ne pamje te pare kampionati i kategorise se trete eshte i lehte, por jo. Ne grupin A sivjet kane qene plot 5 skuadra pretendente dhe madje 4 prej tyre kane pretenduar vendin e pare deri ne ndeshjen e fundit.
Kujt ia dedikoj kete sukses? Kam shume dedikime, duke filluar nga familja te ciles i kam marre shume kohe nga angazhimet qe duhej te kisha per te. Per te vazhduar me stafin dhe djemte e ekipit te cilet na kane bere krenar, me gjithe veshtiresite qe kemi kaluar sebashku rruges, por ne fund ia arritem ta kurorezojme me sukses objektivin tone.
Nje super- dedikim kam per gjithe komunitetin e zones se Bushatit dhe jam shume krenar per ta sepse na kane ndjekur vazhdimisht dhe prandaj ky sukses mbi te gjitha shkon per ta”- eshte shprehur presidenti i FC Basania Ermir Shimaj.
Te plote prononcimin e numrit 1 te ketij klubi mund ta ndiqni ne kanalin zyrtar te gazetes “Shkodra Sport” ne youtube duke klikuar ne linkun e meposhtem:
