Një gol shumë i rëndë me vlerën e tre pikë, por edhe shumë i bukur, ka qenë ai i shënuar nga Edin Dzeko, në fund të ndeshjes në Torino, që i dha fitoren Romës.
Vetë boshnjaku e ka cilësuar golin e tij me një goditje fluturimthi, që mposhti porierin Sirigu, si “golin më të bukur në karrierë”.
Numri 9 i Romës, që shënoi në mënyrë të ngjashme me Van Basten në finalen e Euro 1988, falënderon edhe autorin e krosit, Justin Kluivert:
“Ai më dha një krosim shumë të bukur dhe unë shënova një nga golat më të bukur, në një fushë shumë të vështirë, si është ajo e Torinos. Kjo ishte një fitore e rëndësishme, tani duhet të vazhdojmë me të njëjtin mentalitet.”
