Arbër Hoxha është prurja më e re e Silvinjos në Kombëtare. Sulmuesi që aktivizohet me Dinamon e Zagrebit në Kroaci është ftuar për herë të parë nga Shqipëria, teksa kjo ardhje e re është pritur me entuziazëm nga të dyja kampet.
Për herë të parë si kuqezi ka folur edhe vetë 25-vjeçari. Në një video të shpërndarë nga FSHF-ja, Hoxha shprehet i lumtur që është pjesë e Kombëtares së Shqipërisë dhe fton tifozët që të jenë prezent në miqësoren kundër Kilit, sfidë që do të luhet ditën e premte në Parma, duke filluar nga ora 20:45.
“Përshëndetje. Unë jam Arbër Hoxha dhe ndihem shumë i lumtur që jam pjesë e Kombëtares. Ju presim të premten në Parma në ndeshjen kundër Kilit. Forca Shqipëri”, ka thënë sulmuesi i kuqezinjve në videon e shpërndarë nga Federata Shqiptare e Futbollit.
