Trajneri i Kombëtares shqiptare, Silvinjo po zhvillon një konferencë për shtyp, në prag të ndeshjes së ditës së nesërme kundër Italisë, në “Signal Iduna Park” të Dortmundit. Ai shprehet se janë të motivuar dhe të gatshëm për të bërë mirë në këtë kompeticion.bandicam 2024-06-14 18-06-39-335“Para së gjithash, unë jam shumë i gëzuar që jam këtu, kemi pasur një garë të vështirë gjatë kualifikimeve. Nuk ka qenë e lehtë, por jam krenar që jam me Shqipërinë në Euro 2024. Më vjen keq për Gjimshitin që nuk ishte pjesë e ekipit në EURO 2016, por tani ai ka mundësinë si kapiten i ekipit të drejtojë Shqipërinë në këtë Europian. Kemi një grup të fortë, por kemi të gjitha mundësitë për të bërë mirë. E di si nuk është e lehtë. Në fillim është ndeshja me Italinë dhe formacioni startues është totalisht i gatshëm.
Kemi aq shumë shqiptar aq shumë andej nëpër botë. Kemi në Itali, Gjermani, Zivër, gjithandej. Është përgjegjësi e madhe për ne të përfaqësojmë këta njerëz të mrekullueshëm. I gjithë stadiumi do jetë i veshur me ngjyrën e kuqe dhe do të jetë një përgjegjësi e madhe për ne.
Nuk kam folur me Mançinin për gjashtë muajt e fundit. Ai bëri një punë të mrekullueshme duke fituar Kampionatin Europian. Kam 20 vite që e njoh. Ajo që ka drejtuar ai është e ndryshme nga kjo e sotmja. Itali ka shpejtësi, shkathtësi, me një trajner të mrekullueshëm. Italia është një “top” skuadër. Ajo vjen me dëshirën për të fituar kompeticionin, por edhe ne hymë për të bërë maksimumin.
Kësaj jave keni folur për tensionin e ndjerë dy ditë para ndeshjes me Moldavinë. Si ka qenë nata e djeshme për ju, atmosfera para Italisë?
Ju më njihni shumë mirë. Pas ndeshjes së Moldavisë, ku e kemi stampuar biletën për Kampionatin Europian, tani gjashtë muaj më vonë, ndienjat janë njësoj. Skuadra është shumë e motivuar. Do dalim dhe do të bëjmë më të mirën që mundemi.
Do të doja t’ju pyesja se çfarë Italie prisni. Spaleti mund të luajë me tre apo katër mbrojtës? Kush do të luajë në portë Berisha apo Strakosha?
Me atë që kemi parë, ata mund të përshtaten me sistemin 3-4-3 dhe 4-3-3, mund të ndryshojnë sistemin në varësi të kundërshtarit. Janë të vështirë për t’u thyer. Italia ka një anë të fortë, mbrohet shumë mirë, dhe e mban topin me pozicion të qëndrueshëm. Ka lojtarë që vrapojnë shumë dhe kanë shkathtësi të theksuara. Ne kemi edhe një seancë stërvitore pastaj do të vendosim për formacionin titullar.
Kapiteni dhe trajneri i Italisë janë shprehur se duhet të fitojnë. Do të dëgjojmë edhe Spanjën dhe Kroacinë që do të thonë të njëjtën gjë. Presioni është te skuadrat e mëdha, ndoshta Shqipëria, pa presion fare, mund të përfitojë…
E dimë se çfarë garë e madhe është se sa të mëdhenj janë kundërshtarët tanë. Ata që janë favoritë, mund të hasin vështirësi. Ne kemi ardhur për të luajtur. Ata s’mund t’ua lejojnë vetes gabimet, e kemi parë edhe te Brazili që nuk është e lehtë. Ne do të zbresim në fushë për të luftuar për çdo pikë. Çdo gjë mund të ndodhë gjatë 90 minutave.
Sa kohë keni harxhuar për të analizuar Italinë, ka dilema për formacionin startues?
Ne i kemi studiuar që të tre kundërshtarët, jemi përqëndruar shumë te Italia si ndeshje e parë. Kemi punuar gjashtë apo shtatë ditë, një kohë e mjaftueshme për të ndërtuar një strategji. Pastaj kemi menduar edhe për dy ndeshjet e tjera. Për Italinë, dëshira jonë është të zbresim në fushë dhe të luajmë mirë.
A kanë arritur lojtarët formën optimale?
Shkurtimisht, për sa i përket nivelit të përgatitjes së tyre jemi gati, për përgatitje fizike jo. Asllani, Broja dhe të tjerët duken shumë mirë. Mirëpo, natyrisht sa më tepër që luan një lojtar aq më mirë, por kështu duken mirë fizikisht.
Ju po flisni për lojtar të mrekullueshëm. Daku është një lojtar shumë i mirë. Ai mund të përmirësohet në ligën ruse. Ajo është një ligë shumë e vështirë dhe sfiduese. Për Mitajn, ai është një mbrojtës i majtë po ashtu si edhe unë. E dua, e kam sjellë që 19 vjeç. Ka bërë një punë shumë të mirë me Kombëtaren. Ai është i ri, dhe ka bërë vetëm 10 ndeshje me Kombëtaren. Janë 2 lojtarë shumë të mirë”, tha Silvinjo.
