Pas 2 paraqitjeve mjaft të mira me Shpresat e Alban Bushit në sfidat miqësore ndaj Maltës, mesfushori 19-vjeçar Arbnor Muçolli është rikthyer protagonist te klubi i tij Vejle në Danimarkë duke shënuar një gol mjaft të rëndësishëm në barazimin 1-1 ndaj Alborg.
Futbollisti shqiptar e nisi ndeshjen nga stoli teksa u hodh në fushë nga trajneri në minutën e 73-të. Vetëm 9 minuta i kanë mjaftuar Muçollit për të vendosur baraspeshën, me një super gol nga 25 metra.
Mesfushori lëvizi bukur gjeti hapësirë dhe falë një silurë, e dërgoi topin në trekëndësh, duke i dhuruar skuadrës së tij një pikë mjaft të rëndësishme që i sherben Vejles për të forcuar pozitat në luftën për mbijetesë. Një gol fantastik, nga ata që jemi mësuar ti shohim shpesh në nivelet më të larta të futbollit Europian.
