Terbuni pas dy humbjeve rradhazi, sot pasdite ne Gramsh ka marre nje fitore me shume vlere ndaj skuadres vendase me rezultatin 2-1, ku protagonisti kryesor i skuadres pukjane per arritjen e ketij suksesi ka qene sulmuesi me pervoje Jurgen Gjini i cili i ka shenuar te dy golat per te.
Takimi ka qene jo pak i veshtire dhe vendasit jane munduar t’i rezistojne miqve nga Puka, si rrjedhoje pjesa e pare pavaresisht rasteve te krijuara eshte mbyllur ne shifrat e barabarta 0-0. Krejt ndryshe do te ishte pjesa e dyte e kesaj perballje.
Ne fakt mund te themi minutat e fundit sepse deri ne te 82-ten gjithçka qene serish e barabarte. Por pikerisht ne kete moment, Jurgen Gjini do te arrinte ta dergonte topin me koke ne rrjeten e portes gramshiote duke bere qe ne kampin e Terbunit te shpertheje festa. Jo vetem kaq.
Gjini do te bente te njejten gje edhe dy minuta me vone duke shenuar nje tjeter gol per Terbunin dhe te dytin personal. Ne minutat shtese ekipi i Gramshit arriti te shenonte golin e vetem te tyre, por qe nuk do i mjaftonte per asgje sepse nuk ka me koke dhe ketu do te mbaronte gjithçka.
Terbuni fitoi 2-1 dhe me kete trepikesh te sotem ngjitet ne kuoten e 14 pikeve duke qene i pozicionuar ne vendin e peste te renditjes dhe brenda objektivit te tij, por natyrisht qe drejtuesit presin edhe me shume dhe ngjitjen serish ne renditje./www.shkodrasport.com/
