Për trajnerin e Egnatias kalendari i Kupës së Shqipërisë nuk është menduar mirë nga organizatorët. Në konferencën e sotme për shtyp numri një i stolit të ekipit nga Rogozhina ka pranuar se nuk kishte kohën e nevojshme për të përgatitur ndeshjen e parë gjysmëfinale të Kupës së Shqipërisë.
“Janë shumë pak orë, por kjo është për të katërta ekipet që luajnë në gjysmëfinalen e Kupës. Grupi ka qenë në gjendje të mirë, nuk kemi pasur dëmtime, thjesht lëndime të lehta. Përveç Malotës dhe Ndrecës, pjesa tjetër e grupit është e plotë”, bëri me dije Tetova.
Mes të tjerash trajneri theksoi se në këtëpikë të gjitha skuadrat që janë në lojë kanë shanse të barabarta për të fituar trofeun. “Për çdo trajner kalimi i turit është mendimi numër një.
Në Kupë jemi në garë me tre skuadrat, të cilat udhëheqim edhe kampionatin. Kandidatët kryesorë për ‘Final Four’. Nuk kam ndonjë skuadër të preferuar, fokusi është te ndeshja nesër”, pohoi trajneri i Egnatias.
