Pavarësisht përpjekjeve, Veleçiku nuk ia doli të marrë pikë dhe ta ndalë Luzin kryesues dhe në fund të 90 minutave u siglua rezultati 1-3 në favor të vendasve. Por duhet thënë se në rradhët e koplikasve ka patur jo pak pakënaqësi sa i takon arbitrimit të ndeshjes.
Ashtu siç e bëri publike edhe gazetari Bashkim Ramekaj, duket se arbitrat e ndeshjes kanë ndikuar në rezultatin përfundimtar të tij. Të njëjtën gjë e ka deklaruar edhe vetë trajneri Besnik Duli i cili në një prononcim ekskluziv për gazetën “Shkodra Sport” do të shprehej:
“Në ndeshjen e fundit që zhvilluam në transfertë ndaj ekipit të Luzit, jam i mendimit se skuadra jonë ka bërë një paraqitje të mirë dhe ndoshta mund të kishim marrë edhe një rezultat poziziv nëse arbitri nuk do të ishte bërë palë me vendasit.
Goli i dytë i tyre erdhi me një penallti të dhuruar nga arbitri. Po ashtu, dy asistentët nuk na linin të kalonim gjysmën e fushës së kundërshtarit dhe në 2-3 raste flagrante na kanë penalizuar me vendimet e tyre. Për të mbërritur tek minuta e 42-të kur një nga mbrojtësit vendas godet me kokë pak top futbollistin tonë Amarildo Kaçaj Brenda zonës dhe për çudi nuk kishte penallti për ne!!!
Nuk besoj se Luzi kishte nevojë për arbitrat për ta fituar këtë ndeshje, por mesa duket e donin ta kishin sa më të sigurtë dhe prandaj ndodhi ajo që ndodhi. Mendoj se ekipi i Luzit e kishte marrë me shumë frikë ndeshjen ndaj nesh. Megjithatë më duhet ta pranoj se pritja e vendasve dhe e trajnerit Pashja ka qenë shumë e mirë për ne”./www.shkodrasport.com/
