Skënderbeu ka fituar 2-1 me përmbysje ndaj Kamzës dhe prek me njërën dorë titullin kampion në Superliga Shqiptare.
Korçarët kanë harruar për një moment problemet jashtë fushe, me kërcënimin për dënim 10 vjeçar nga UEFA dhe “fluturojnë” në krye me 14 pikë më shumë se Flamurtari, që pasdite do të luajë kundër Lushnjes.
Kamza shënoi e para në fushën e saj. Me një goditje nga distanca, Realdo Fili ka shënuar një gol spektakolar duke dërguar topin në trekëndësh nga hyrja e zonës.
Në pjesën e dytë, pas një inkursioni të bukur nga e djathta e Radasit dhe Ditës, topi është servirur në qendër të zonës te Vila, i cili me një gjuajtje në formë sparkate ka barazuar shifrat.
Më pas, gjatë një goditje nga këndi, të krosuar mjaft bukur nga Gjergji Muzaka, mesfushori Emiljano Vila, i ka shpëtuar mbulimit të mbrojtjes duke goditur saktë me kokë dhe duke kompletuar përmbysjen e miqve.
