Në pamje të parë nuk kanë asnjë lidhje sepse kanë luajtur futboll në vite të ndryshme, shumë larg njëri-tjetrit. Kanë patur një të përbashkët, shënimin e golave. Vioresin Sinani dhe Refik Resmja janë në garë me njëri-tjetrin se kush është shënuesi më I mirë I të gjithë kampionateve shqiptare. Themi ka një dilemë pasi golat e Sinanit dihen sa janë- 207 ndërsa për ato të Refik Resmjes nuk ka të dhëna të sakta. Karriera e tij në vitet 1947- 1964 ka shumë enigma. Golat nuk janë të pasqyruar dhe megjithëse në kampionatin e vitit 1951 ka shënuar plot 59 gola në një kampionat, me shumë mundësi ai nuk I kalon 200 golat në gjithë karrierën e tij (flasim për në kampionat). Megjithatë ka një dilemë në këtë mes sepse asnjë statisticien nuk ka arritur të gjejë numrin e saktë të golave të tij. Përveç Resmjes nuk ka të tjerë që I ofrohen sulmuesit shkodran. Nuk është as Pano, as Pernaska dhe askush tjetër me aq gola sa ai. Në kushte të tilla, gjasat janë që Vioresin Sinani të jetë golashënuesi më I mirë në gjithë historinë e kampionateve shqiptare. Në sezonin 2003-04, sulmuesi shkodran ka shënuar plot 36 gola në 35 ndeshje të kampionatit. Një mesatare fantastike prej gati një gol për ndeshje. Pikërisht në atë sezon, goli edhe pseudonimi “Mister 36 golëshi” për Sinanin. Ai në këtë mënyrë, u bë futbollisti I dytë pas Refik Resmjes që shënonte më shumë gola në një kampionat sepse Resmja në vitin 1951 kishte shënuar 59 gola. Diferencat në kohë por edhe në futboll sigurisht që kanë qenë të mëdha dhe jo më kot, këto gola I dhanë edhe më tepër emër sulmuesit dhe kapitenit të Vllaznisë. Me këto 36 golat e shënuar ai mori edhe “Këpucën e Artë” në atë sezon. Të njëjtën gjë ka përsëritur edhe në sezonin 2006-07 kur luante me Tiranën dhe me 23 gola të shënuar është sërish fitues I “Këpucës së Artë”, e po ashtu edhe një sezon më pas kur me 20 gola, këtë herë me Vllaznisë është sërish shënuesi më I mirë I kampionatit. Tre “këpucë të arta” për të natyrisht që nuk është keq, pa harruar që edhe në disa sezone të tjera ka qenë shumë pranë fitimit të këtij trofeu. Gjergj KOLA
