Vllaznia ka nevojë dhe do kërkojë përforcime në secilin repart gjatë merkatos së janarit. Kjo është deklarata e sotme e zëvendëstrajnerit dhe njëkohësisht futbollistit të kësaj skuadre Vioresin Sinani në konferencën për shtyp. Ai ka bërë të ditur njëkohësisht se ende nuk jane vene piketat ashtu si duhet per merkaton dhe kjo do dale pas mbledhjes se stafit ne ditet ne vazhdim.Krahu I djathtë I trajnerit Rudi Vata ndërkohë është ndalur të flasë edhe për ndeshjen e kësaj fundjavë për kampionat me Dinamon. Ai iu përgjigj në njëfarë mënyre deklaratave shumë entuziaste që vijnë nga kampi dinamovit dhe që flasin për fitore në “Loro Boriçi”.Nga ana tjeter, në mungesën e një sulmuesi cilësor tek Vllaznia pas largimit të Sukajt, të gjithë kanë pritur Sinanin në fushë por problemet shëndetësore që ka pasur, e kanë lënë larg fushës atë. Shënuesi më I mirë në historinë e klubit shkodran premton se pas një stërvitje të mirë në janar, do të kthehet sërish të luajë për Vllazninë. Vllaznia ka nevoje për Sinanin ndoshta më shumë se çdo herë tjetër në këto momente. Kthimi I tij në formë, do të thotë se skuadra nuk ka nevojë të synojë për të marrë sulmues në merkaton e janarit.
