Emergjenca shëndetësore mbërrin edhe në Brazil dhe hapi i parë që u ndërmor për të ndaluar përhapjen e shpejtë të koronavirus ishte ndalimi i aktiviteteve futbollistike në vend.
Lajmin e ka dhënë Federata Braziliane e cila ka bërë të qartë se do të mbyllte të gjitha aktiviteteve kombëtare që organizonte, për të ruajtur shëndetin e tifozëve dhe lojtarëve të cilët siç është parë në Europë, janë po aq të ekspozuar ndaj rrezikut.
“Jemi të ndërgjegjshëm dhe marrim përgjegjësitë tona në luftën kundër përhapjes së COVID-19 në Brazil”, deklaroi presidenti i Federatës, Roxherio Kabodio në një komunikatë zyrtare.
“Sa i përket kampionateve të shteteve të ndryshme, Federatat rajonale do të marrin vendime specifike për zhvillimin e tyre, pasi kanë autonomi lokale”, tha ai.
Vendimi erdhi pasi shumë futbollistë dhe klube protestuan ndaj vendimit për të vazhduar kampionatin në këtë fundjavë, pasi panë se si me radhë, sidomos kampionatet në Europë, ndaluan të gjitha sepse shumë futbollistë rezultuan pozitiv pasi kishin zbritur në fushë apo kishin zhvilluar stërvitje. /vipsport/
